| Published on:Addis Zemen ( ጥቅምት 24፣ 2013 ) | Place of Bid Competitions:አዲስ አበባ |
| Submission Date:ጨረታው ህዳር 8 ቀን 2013 ዓም ከሰዓት በኋላ 8፡00 ሰዓት ተዘግቶ ተጫራቾች ወይም ህጋዊ ወኪሎቻቸው በተገኙበት በዕለቱ በ8፡30 ሰዓት 4ኛ ፎቅ በመ/ቤቱ የስብሰባ አዳራሽ ይከፈታል፡፡ |
የጨረታ ማስታወቂያ
የጨረታ መለያ ቁጥር፡- NCB/GOV/N-CS004/2013
የአዲስ አበባ ውሃና ፍሳሽ ባለሥልጣን የዋናውን መ/ቤት ህንፃ የ3,300 ሜትር ካሬ ውሃ ስርገት መከላከል (water proofing) አገልግሎት ግዥ በግልጽ ጨረታ አወዳድሮ ማሰራት ይፈልጋል፡፡
ስለሆነም ከዚህ በታች የተዘረዘሩትን መስፈርቶች የሚያሟሉ ድርጅቶችን በጨረታው እንዲሳተፉ ይጋብዛል፡፡
- ተጫራቾች ዘወትር በሥራ ሰዓት መገናኛ ከሚገኘው ዋና መ/ቤት ምድር ቢሮ ቁጥር 113 በመገኘት ከላይ ለተጠቀሰው ግዥ የተዘጋጀውን የጨረታ ሠነድ የማይመለስ ብር 200 (ሁለት መቶ ብር) በመክፈል መውሰድ ይችላሉ፡፡
- ማንኛውም ተጫራች በመንግስት የግዥና የንብረት ማስወገድ ኤጀንሲ በዘርፉ በዕቃና አገልግሎት አቅራቢዎች ዝርዝር ውስጥ በድረ-ገፅ የተመዘገበ፣ ለዘመኑ ሕጋዊ እና የታደሰ የንግድ ፈቃድ፣ የተጨማሪ እሴት ታክስ ምዝገባ የምስክር ወረቀት፣ የግብር ከፋይ የምስክር ወረቀት እና የዘመኑን ግብር የከፈሉ እና ግብር የመክፈል ግዴታቸውን የተወጡ መሆኑን የሚያረጋግጥ በግብር ሰብሳቢው ባለስልጣን የተሰጠ ማስረጃ በመወዳደሪያ ኤንቨሎፕ ውስጥ በማድረግ እስከ ጨረታው መዝጊያ ቀን ድረስ ማቅረብ ይኖርበታል፡፡
- ጨረታውን ለመሳተፍ ብር 20,000.00 (ሃያ ሺህ ብር) የጨረታ ማስከበሪያ የሚሆን ቢያንስ ለ60 ቀናት ጸንቶ የሚቆይ በCPO ወይም በሁኔታ ላይ ያልተመሰረተ የባንክ ዋስትና ወይም በጥሬ ገንዘብ ማስያዝ ይኖርበታል፡፡ ይህንኑም እስከ ጨረታው መዝጊያ ቀን ድረስ ከዋናው ሠነድ ጋር በማያያዝ ለዚሁ በተዘጋጀው ሣጥን ውስጥ ማስገባት አለበት፡፡
- ተጫራቾች የመወዳደሪያ ሃሣባቸውን በአንድ ፖስታ (One envelope) /የቴክኒክ እና የዋጋ በአንድ ላይ የጨረታ ሰነዳቸውን ማቅረብ አለባቸው::
- አሸናፊው ተጫራች ላሸነፈበት ጠቅላላ ዋጋ የውል ማስከበሪያ 10% ከውል በኋላ ማስያዝ ይኖርበታል፡፡
- የተጫራቾች የዋጋ ማቅረቢያ ሠነድ ለ60/ስልሣ/ ቀናት ፀንቶ የሚቆይ መሆን አለበት፡፡ ከዚህ ያነሰ የጨረታ ዋጋ ፀንቶ መቆያ ጊዜ ያቀረበ ተጫራች ከጨረታው ይሰረዛል፡፡
- የጨረታ ሠነዱን በሰሙ አስመዝግቦ ያልገዛ ማንኛውም ተወዳዳሪ በጨረታው መሳተፍ አይችልም፡፡
- ጨረታው ህዳር 8 ቀን 2013 ዓም ከሰዓት በኋላ 8፡00 ሰዓት ተዘግቶ ተጫራቾች ወይም ህጋዊ ወኪሎቻቸው በተገኙበት በዕለቱ በ8፡30 ሰዓት 4ኛ ፎቅ በመ/ቤቱ የስብሰባ አዳራሽ ይከፈታል፡፡ ከጨረታው መዝጊያ ሰዓትና ቀን ዘግይቶ የሚመጣ ማንኛውም የመወዳደሪያ ሠነድ ተቀባይነት የለውም፡፡
- የሚቀርበው ዋጋ የተጨማሪ እሴት ታክስን ያካተተ መሆን አለመሆኑን በግልጽ ተለይቶ መቀመጥ አለበት፡፡ ይህንን ያልገለፀ ተወዳዳሪ ያቀረበው ዋጋ ተጨማሪ እሴት ታክስን እንዳካተተ ተደርጐ ይቆጠራል፡፡
- ገዥው በጨረታ ሰነዱ ውስጥ የተጠቀሱትን አገልግሎት በ20% የመጨመር ወይም በ20% የመቀነስ መብቱ የተጠበቀ ነው::
- የባለስልጣን መ/ቤቱ ጨረታውን በሙሉም ሆነ በከፊል የመሰረዝ መብቱ የተጠበቀ ነው::
አድራሻ፡- መገናኛ ከሚገኘው በተለምዶ 24 ቀበሌ የገቢዎች ሚኒስቴር አጠገብ ያለው የዋ/መ/ቤት ህንጻ ምድር ቢሮ ቁጥር113 ስልክ ቁጥር፡- 011 663 08 57 ፋክስ ቁጥር፡- 0116-623924
የአዲስ አበባ ውሃና ፍሳሽ ባለሥልጣን